കോവിഡ്‌ മഹാ മാരിയില്‍ തകര്‍ന്ന വ്യാപാര മേഖ ലയുടെ ഉണര്‍വിനായി ഷോപ്പിങ്‌ ചാലഞ്ചുമായി വ്യാപാരികള്‍ എത്തുന്നു. കേരള വ്യാപാരി വ്യവസായി ഏകോപന സമിതിയും കേരളത്തിലെ കേബിള്‍ ടിവി ഓപറേറ്റേഴ്‌സ്‌ അസോസിയേഷ ന്റെ മാധ്യമ സംരംഭമായ കേരള വിഷനും ചേര്‍ന്നാണു റിയാലിറ്റി ചാലഞ്ച്‌ ഷോ സംഘടിപ്പിക്കുന്നത്. ഒക്ടോബര്‍ 4 മുതല്‍ രാത്രി 8 മുതല്‍ 9 വരെ ലൈവായാണ്‌ പദ്ധതി നടപ്പാക്കുന്നതെന്നു വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ്‌ ടി. നസിറുദ്ദീന്‍ പറഞ്ഞു.
കേരള വിഷന്‍ ചാനലിലൂടെയും സമൂഹ മാധ്യമങ്ങളിലൂടെയും വെബ്സൈറ്റിലൂടെയും സംപ്രേഷ ണം ചെയും. 140 നിയോജക മണ്ഡലങ്ങളില്‍ നിന്ന്‌ ഓഡിഷനില്‍ തിര ഞ്ഞെടുക്കപ്പെടുന്ന ടീമുകള്‍ക്കാണു പങ്കെടുക്കാന്‍ അവസരം. പ്രേക്ഷകര്‍ക്കായി ക്വിസ്‌ മത്സരവുമുണ്ടാകും. വെബ്സൈറ്റില്‍ ഉത്തരം നല്‍കാം. ഇതിലൂടെ ലഭിക്കുന്ന പോയിന്റ്‌ ഉപയോഗിച് വ്യാപാരി വ്യവസായി ഏകോപന സമിതി അംഗങ്ങളുടെ കടകളില്‍ നിന്നു സാധനങ്ങള്‍ വാങ്ങാനും കഴിയും.